Sportello Linguistico

Sportello Linguistico

Presentada

Ite est  S'Ufìtziu e S’Isportellu de sa limba sarda?

Po ite s'Amministratzione de su Comunu de Nughedu Santa Itòria at postu custa setzione  in sa pàzina ufitziale sua de Internet?

Provamus a dd' ispiegare.

S'Ufìtziu de sa limba sarda est un’ isportellu chi at previstu sa leze 15/12/1999, n ° 482. S’artìculu n° 2 de custa leze, narat: “ In attuazione dell’articolo 6 della Costituzione e in armonia con i principi generali stabiliti dagli organismi europei e internazionali, la Repubblica tutela la lingua e la cultura delle popolazioni albanesi, catalane, germaniche, greche, slovene e croate e di quelle parlanti il francese, il franco provenzale, il friulano, il ladino, l’occitano e il sardo.”

Ite cosa prus bella de custas paràulas, po nois sardos? Benit reconnota sa limba sarda chi benit tratada comente “lingua” e nois semus cussos chi dda chistionant e onni die dd'iscurtant e cun issa onni tantu brullant e crachi borta brigant.

In sa setzione chi atzapais a suta de custa pàzina ddue at unu elencu chi a manu a manu amus a amezorare, de sas chistiones printzipales chi tratant sa limba sarda.

A sa segunda dimanda no est fàtzile respòndere.

Sa prima paràula ch'imparat unu pitzocheddu e sa prus fàtzile a nàrrere est “mama”. Siat chi in famìllia si chistionet su sardu che s' italianu, cussa est. Est fata de sonos sèmplitzes,  chi cando su crebeddu tenet bisonzu de tzerriare cussa fèmina chi onni die e ònnia note est acanta sua, imbentat su foeddu prus bellu  “m    a    m    a”.

Siat in sardu che in italianu custa paràula est de importu.

Mama nostra est fintzas custa terra. Sas matas chi issa campat e creschet, sos muros de sas domos, sos crastos de su sartu, su sonu e s’asèliu  de custu logu, sa zente….. nois totus. Cando istamus in bidda nostra non pesamus fintzas a fundu su valore de tanta richesa. Si capitat chi po crachi arresone dda devimus lassare tando eja, ca su pentzamentu est semper po issa.

Onniunu de nois, mannu, piticu, bellu o lezu istudiau siat o no, podet azuare a fàere in modu chi sa limba nostra non morzat mai e antzis bivat, crescat e resurtet semper prus de importu.

S'Amministratzione de Nughedu Santa Itòria, inoghe, cheret comintzare custu caminu longu e difìtzile cun totu sa zente nughedesa in su mundu e cun totu su mundu.

 

Saludos e bene bènnidos! 

Allegati





















Condividi: